JABUK (LAPUK/RUNTUH)

JABUK

Buah Karya: Silfina Rahayu

Isu: Budaya Kawin Badadiaman (Budaya nikah yang sering tanpa sepengetahuan istri atau keluarga), Budaya Asal Pandir (Budaya asumsi masyarakat tanpa mencari fakta yang sebenarnya)

Konsep: Gardu, Bewarungan Tokoh dan Penokohan: -

-Julak Usup (Tetuhaan, Lanji (genit), 50 Tahun)

- Julak Imai (Penumburan, Lantih, 45 Tahun)

- Acil Ijum (Acil Warung, Gigiran, Kada Purunan, 40 Tahun)

- Aluh (Anak acil warung, bungas babanaran, Ungah, Polos, Anak SMA, 16 Tahun)

- Iman (Anak Julak Usup, pacar Aluh, Aga(gagap), culun, Anak SMA, 16 Tahun)

- Udin (Kisah Jagau, Pengangguran, Asal Pandir, 25 Tahun)

- Yanti (Babanciran (bancir), himung baghosip, katuju badandan, Alay, 23 Tahun)

- Itay (Janda, Cakah, 30 Tahun)

Sinopsis

Di Kampung parak batang banyu tesabar ghosip sing kada ampihan, sekalinya bebujuran, behinipan sampai ketahuan, meulah urang kampung resah hingga curiga hanya karna penampilan, antara budaya atau kada tahu supan, hingga meolah jabuk tali ikatan 

Scene 1 (Pagi Hari, Warung-Gardu)

(Musik dari Radio)

Udin asik bajuget wan baruko di gardu parak warung, talihatAcil Ijum nang basasimpun warung hidin.

Acil Ijum          : Uuuu din, nangapapina bejuget liwar (sambil basasimpun)

Udin                 : Ee Acil, buka warung kah cil? (memarakiAcil Ijum)

Acil Ijum          : Ikam melihatinya nii lagi bahapaaku din? Bekunyungkah aku nii?

Udin                 : Uma aii acil nih, pina muar tarus lawan ulun, cil… ulahakan ulun kupi pannn (kisah supan)

Acil Ijum          : Hmmm tecium nah bau-bau handakbehutang? Din cuba baca papan dihiga nih… Udin        : (Membacapapan dihiga warungAcil Ijum) Ka-dama-na-ri-ma hu-tang

AcilIjum          : Tebaca lah din tulisannya? Apa kurang ganal kah?

Udin                 : Uma aii acil… kena ulun bayar cil aii bujuran,seminggu lagi nah ulun bayar

Acil Ijum          : Seminggu, seminggu, sebulan dah kada talihat-lihat lagi buriniknya, KADA POKOKNYA KADA TU PAN!

Udin                 : Purunnya pian cil, sudah mama abah kededa ulun nii, gawian kadeda jua, balummakan dari samalam, jangan kan makan, handak minum kupi haja behutang dulu (Kisah menangis)

Acil Ijum          : Duh aii timbul kada purun aku nah, ayuha din aii kuulahakan kupi nah, ambil gin jua pisangnya tetiga bigi

Udin                 : Nah cil jaka dari tadi cil aii, Hehe

Acil Ijum          : Eee nah, eh nah jar (Takajut,gigir, habistu meulahakan kupi)

Udin                 : Pina hinip nah julak, bahanupendahulunya pada urang mengupi hidin

Acil Ijum          : Ahuuu…(menjulung kupi) Dimamai lagi kalu ahaha, sttt sttt!

Udin                 : HaganyaAluh mana cil hehe pacarulun nang paling bungas-ngas-ngas-ngas… Acil Ijum : Oohh Aluhnya lagi…

Aluh                : MAMA! (mengajutidari belakang)

AcilIjum          : U ma ma eeh mama, mak ek mak (gigir) Hiiih aii muarnya aku luh, kawakahmuntung nii digimitija sedikit…

Aluh                : Hehe Mama, Uuu maa handakminta duit, handakbayar buku disekulah 

Udin    : Ehh barapa luh? Sini nah kaka banyariakan…

Aluh                : Emang amang beisi duit?

Acil Ijum          : Hilihhhhutang ja balum dibayar, habis dah kertas buku bon haur ngaran nyawa ja, nii jua seikung haur bayaran tarus, asih kada ampih-ampih, nah… (meunjuk duit) ingati bujur-bujur dibayari, kuitan uyuh mencariakan duit saban harian…

Aluh                : Hinggih mamanya… (salim) (Imankeluar rumah, suara musik)

Iman                : Ma Tu-tu-tulak…

Aluh                : IMANNNN

Iman                : A-A-ALUHHHH

(Berulang berkali-kali)

Udin                 : EHH! EHH! EHH! Man Luh Man Luh, masih halus ketia bepacaran tarus, lakasitulakan buhan kam nii, kalu ku simburwan kupi ni…

(Iman Aluh Bukah mencincing)

Acil Ijum          : Sabar din, sabar… Udin         : Emosi ulun nah

AcilIjum          : Ngarannya gin ABG, wajar haja, makanya din cari bini?

(Itay lewat, masuk rumah, Udin melihati kada sing ampihan)

Udin   : Cil cil cil (mengiau Acil Ijum) Itu tadi si Itay lo cil, umaaa bulik padang beisukan kainih mana muha dampulbabanaran

Acil Ijum          : Husss,kada boleh nang kaya itu, tapi lo din bujur jua, pina kandal pupur urang

Udin     : Nah bujur lo cil, tapi begawi nangapa lah inya nii mun tulak pasti pina habang, hijau pipi, bulik beisukantarus jua, jajanganbagawi nang emhh….

Acil Ijum          : Hiiih aii rigatnya muntung

Udin                 : Nah balum tuntunglagi ulun nii bapandir, pian pagat-pagat (Meisap Ruku)

Acil Ijum  : Kalu inya begawi nangapa kah, kada tahu aii kita, hudah gin aku handak lanjut besesimpun nah, kada tesimpunwarungku gawi nyawa haja…

Udin                 : Ta-tapi cil….

Scene 2 (Sorei Hari, latar Gardu-Rumah-Warung)

(Yanti main tik tok parghoy,musik Tik tok Parghoy)

Udin                 : Haduhhhhampih-hampih pan, kada tanang aku guring…

Yanti               : Huma sudah handak sanja kayani masih ja handak guring si udin nih, jarnya din aii amun guringsore kayani jadi gila kena

Udin                 : Gila jua aii sudah aku…

Yanti                : Gila nangapa din? Gilaaa kada bisi gawian kah hahaha ataukada baisi bini kah hahaha

Udin                 : KADA!Aku nii dasar gila dah, tagila-gila lawan Aluh (melamun)

Yanti                : Hilihh sadar diri din aii…

(Aluh Keluar Rumah)

Aluh                : Uuuu Mama... ulun tulak lah…

Acil Ijum          : Heehh,jangan tapi kemalaman bulik… (Menyahutidi warung)

Udin                : Pucuk di cinta,ulanpun tiba, hanyardibayang akan ada dah urangnyadimuhara mata… suitttsuittt Aluh… Handakkemana ding?

Aluh                : Eh amang… Handakbejalanan wan Iman Yanti        : HAHA HAPUKKK

Udin                 :Napa bejalananwan Iman, baik wan kaka haja, kena kaka bayari akan Soto Banjar higa masigit, atau kita ke pasar tungging kah? Aluh handak apa kaka tukari akan….

Aluh                : Kada gin mang aii, pian kada beduit…

Yanti                : HAHAHAPUKKK 2 kali, sekali lagi din aii dapat kulkas nyawa….

(Iman keluar Rumah)

Iman                : A-A-Aluhhh

Aluh                : Iiiiiman…

(Berulang lagi selamaberkali-kali)

Iman                : Ki-ki-kita Ha-handak Kamana?

Aluh                : TesarahIman haja, asal jangan ke soto banjarhiga masigit atau ke pasar tungging lah 

Iman                : Ki-ki-kita ke ma-mall ja yu….

Aluh                : Ayuuu! Sayangnya wan iman

(Aluh Iman tulakan,Udin kada besemangat)

Yanti               : (Tetawa bahimat)Nee kalah nyawa wan kakanakandin aii

(membuka hape, meitihi tik tok) Din din din coba itihi efyepe tik tok ku nih…. hehhh haur kasus selingkuhh haja bederet, Eh nyawa mendangarlah ghosip yang lagi panas wahini, tahu lah Acil Ida nang di batang banyu tuh? di labrak urangg…, biru biru muha hidin,habis mengawini laki urang jar, napa bisa kyatu lah…

Udin                 : Kisah tahu! Tapi ada aii jua aku mendangar kisahnya, manusia nang kyatu kada tahu ngarannya bersyukur, diberi binian speak bidadari memilih nang… (menengok Itay, tapi Yanti nang tesindir)

(Itay lewat muka gardu, keluar rumah)

Yanti                : Nangapajar melihati unda nang kaya itu (tesindir)

Udin                 : Sttttt!

Udin                 : Eh, yan kam tahu lah si Itay tu begawi nangapa? tulak sanja, bulik beisukan, curiga aku…

Yanti                : Heeeh aii udin nii, haur memanderi urang haja Udin : Kaya ikam kada! WALUHH!

(Julak Usup datang, singgahke warung Acil Ijum)

Julak Usup        : Uuu Jum ulahakanpan dulu aku teh panas nah (sambil meingkutipinggang hidin)

Udin                 : Hanyartalihat nah julak,datang mana julak?

Julak Usup     : Hiyaam nah meurus kasus si Ida tu pan, tumbur banar urangnya di batang banyu situh…

Yanti                : Kayapa? Kayapa julak kisahnya? Handak pan ulun mendangar…(memaraki Julak Usup)

Acil Ijum          : Mun Ghosip laju pada trak Yantoni, Nah Julak (meunjuk teh)

Yanti                : Yanti cil Yanti,jadi nang kaya mana tadih kisahnyajulak?

Julak Usup       : Hadang minum hulu aku (Minum) Emhh Manisnya tehnya kaya urangnya. Napa tadih? Ooo hiih Nah sekalinya ghosip nang rancak tesebar tu bujur, Si Ida tu kawin wan laki urang subalah kampung sekalinya, hamuk bini hidin mendatangi rumahnya, haur memukul-mukul, uyuh banar meampihinya… (sambil memusutpinggang)

Yanti                : Nah din bujurlo jar ku…

Udin                 : Tarus pan julak, wahini kayapajar pulang?

Julak Usup      : Di bawa aii karumah sakit Ida nya, napa siup, nah itu pan sudah kebiasaan dah kejadian nang kaya ini, kada sekali dua kali haja, mendarah daging sudah, dari Camat, Pembakal, Jejagau, Artis sampai nang kada penduitan, nangapa-ngapa asih kada puas amun sudah bebini. Nah ada pribahasa nang kaya ini “Bebini saikung nitu wajar, Babini dua ikung hanyar balajar, Babini tiga ikung kurang ajar, Babini ampat ikung ngarannyakada sadar-sadar''

Nah buhan kam nii beduanang belum beisi bini, jangan pina macammacam, amun handak jangan badadiaman, amun kada seikunghaja…

Yanti   : Hiiiiih Kada paham lagi dah ulun nii wan pelakor, lakiannya pulang rasa handak ulun jambakkk… (Menjambak Udin)

Udin                 : Aduhhh duhh duhh kada tapi pintar Yanto nii, rambuttkuuu…

(Acil Ijum Menangis)

Julak Usup        : Eee kenapaJum?

Acil Ijum          : Kada papa julak aii, ulun teingat Abah Aluh banar aii (Menangis)(Julak Imai KeluarRumah, tekajut melihatlaki hidin memalukAcil Ijum)

Julak Usup : Umaa Jum, sudah…rela akan, banyak ja lagi lakian lain di luar sana nang lebih baik, contohnya aku, aku siappja…

Julak Imai : Siap nangapa hah? Siap kah kena hantam, bini uyuh mehadangi dari beisukan, maka mewarung urangnya, sini pian lakasibulik… (Menarik talinga JulakUsup)

(Yanti wan Udin menawaakan Julak Usup)

Scene 3 (Malam Hari, latar Gardu)

Udin                 : Haduh dingin nya hari, jakakah ada bini tehangat jua…. (Bepundut tapih, sambil banyanyi menujugardu)

(Tiba-tiba melihat Julak Usup wan Itay beduaandi gardu, basambunyi)

Udin                 : HA! Julak kah itu yo… wan Itay (mendangariakan pandiran sambilsambunyi)

Itay                  : Kaya apa nih julak, ulun kada handak amun kaya ini tarus 

Julak Usup      : Kaya apa pan lagi, sabar aii dahulu…

Itay                  : Sabar ketia sabartarus pian nih (Meraju, meninggalkan julakUsup)

Haji Usup         : Tay…Itay…

(Itay meraju, tulak maninggalkan Julak Usup)

Udin                 : Nah lo bujur,curiga aku… (gelisah)

Yanti                : Curiga nangapa din? (Yanti datang dari belakang)

Udin                 : Allahu…Kada pintarnya Yanto nii, sudahnya pupur tabal banar, ku kira hantu tadih..

Yanti                : Yanti din Yanti, (Sambil becarian) Eh din nyawa adakah melihat gincuku (Kada disahuti udin) din din… UDIN!

Udin                 : MauknyaYanto nii, haur mengajuti urang haja…

Yanti                : Nyawa melamun nang kaya itu, ku kira kemerawaan, haganya nangapa din? pina galisah babanaran ku itihi, Ohhh Aku tahu, nyawa mun di tolak Aluh jangan jadi gila jua pan din aii, aku sebagaikawan sedih banarnah… (kisah menangis, meragapudin)

Udin                 : Hiiihhhh aiii… lain gara-gara nangitu… Yanti : Bah pan, nangapa am?

Udin    : Emhh… Aku nii curiga Yan aii, tadi tu aku melihat Julak wan Itay beduaan… pina serius bepandiran, aku yakin si Itay tu pasti emh nyaJulak

Yanti                : HAH! Bebuju-bujur din…

Udin                 : Hiih bujuran aku melihat wan bigi mata kaki ku, tulakan buhan hidin tadi bedua… Yanti  : Ihhh kada nyangka aku din amunnya bujur, sidin nang membari papadah, sidin juanang maranjah, jabukaii sudah patuah…

(Acil Ijum keluar rumah, sing habutan becarian,Udin Yanti meitihidari gardu)

Udin                 : Uuuu acil, nangapadicari, pina pusang bekikih-kikih…

Acil Ijum          : Anu….anu nah buhan kam ada kah melihat buku bon yang ku pingkut siang tadih? 

Yanti        : Nah kededacil aii…

Acil Ijum          : Haduhhhdimapa lah, masalahnya buku tu banyak banar hutang buhan-buhan kam nii… apalagi ikam din aii, Aluh nii jua balum bulik-bulik bejalanan, bantui akan pan dulu mencari nah…

(Yanti wan Udin belihatan, bepandirbebisik bedua)

Udin                 : Yan yan.. Kalo ku pikir-pikir baik kada usah gin kita cari akan, mayan… 

Yanti   : Bujur jua tu din aii…

Acil Ijum          : Nangapabediam haja, lakasibantui akan, tacicirdimanakah buku ku nih…

(Julak Imai bemamaikeluar Rumah)

Julak Imai         : Jum….UuuJum…

Acil Ijum          : Nangapa Julaknih tumbur babanaran

Julak Imai        : Mana anak ikam? Kemana anak ikam membawa anakku hah? Sudah tinggi malam nang kaya ini balum bulik haja lagi…

Acil Ijum          : Nangapa  pian betakun ke ulun, harusnya ulun nang betakun,anak bujang ulun dibawa bajalananwan anak pian kemana….

Yanti                : WOW panas panas

Julak Imai        : Arghh….Pasti anak ikam nang kagatalan wan anakku, mama wan anak sama haja… Acil Ijum : Apa jar pian tadih?

Julak Imai         : Bujur lo…

(Acil Ijum wan Julak Imai bakalahi, bejambakan, Iman wan Aluh datang)

Iman Aluh       : Mama…

Yanti                : Astaga kenapatimbul bekelahiii kayani…

Udin                : Sudah… ampihan (Melerai) Buhanpian nii kaya kekanakan haja masih, ada permasalahan yang lebih gentinglagi nah, lak, cil…

Julak Imai         : Permasalahan nangapa?

Udin                 : JULAKUSUP SELINGKUH!

Semuanya        : HAH!

Udin                 : Ulun melihat Julak be-beduan wan si Itay tadih… Semuanya : HAH!

Acil Ijum          : Hiih Udin nii, bebujur-bujur din aii, rancakmuntung kam nii rigat asal bepandir… Udin         : Astaga cil bujuran cil aii, suwerrr, bepingkut tangan hidin tadih….

JulakImai         : Purunnyapian bangggg, (Menangis)

Acil Ijum          : Nah gawi ikam nii din aii, menangisakan…. (Memagut Julak)

Udin                 : Maap aii nah julak, ulun nii bepandirsesuai nang ulun lihat ja

Yanti               : Amun kada kaini haja gin, kayapa kalo kita tungguija di balakang gardu tuh, basambunyi kita….Kena amun buhan hidin ada bedua datang,kita grebek, kyamana?

Acil Ijum          : Bagus jua tuu, tumbenpintar Yan…

Yanti                : Ulun dasar pintar dari bahari kda kaya si Udin nih (menyibak rambut) lakasi dah kitabesembunyian berataan….

Julak Imai         : Hadang ada nang handak ku ambil hulu di rumah, buhan kam bedahuluja… (Masuk Rumah)

Acil Ijum          : Lakasi dah kita besembunyian…. (besembunyi di balakang gardu)(Julak Usup wan Itay Datang,duduk di gardu)

Itay                  : Pokoknyaulun kada mau tahu julak aiii… hari ni jua ulun handakbarataan tahu… 

Julak Usup      : Duh jangan kaitu Tay… waktunya nii kada pas lagi….

Itay                  : Kada pas aii tarus, ulun nii uyuh menunggu kepastiannya nihhh…

(Nang urang dibelakang siap-siap handak menggrebek, Tiba-tiba….)

Julak Imai         : ABANG! Waninya lah piannii, selingkuhhh wan inya…

Itay                  : HAH! Nangapa jar julak nihh… mana ulun hakun wan urang tuha kayanih, ulun gin bepilih-pilih….

Julak Usup        : Astaga ini kada kaya dibayang akan….

Julak Imai         : KARAMPUT! Bah tuu ini nangapa? ITAY… ngarannya dimana mana di sini, Itay 5000, Itay 3.500, Itayy 10.000, nah banyak banar…

Acil Ijum          : Nahhh nah nah ini buku bon nang ulun cari-cari, napa jadi takapian… Selamat duitku…

Julak Imai         : Bahhh tu ini nangapajua? Gincu warna habang hati… Its My Dream… not Inya

(menunjuk Itay)

Yanti                : Astagaaaa ini nya gincu ulun, ulun maka mencari-cari…. 

Julak Usup       : Hadang-hadang, nii aku jadi bingung nah?

Udin                : Ahhhh jujur ja buhan pian,ulun melihat surangbuhan pian beduaantadih disini, Usir Julak Usup wan Itay dari kampungkitaaa….

Julak Usup       : Stopp, stopp… Hadang dahulu,dangarakan dulu aku bapandir, ngarannyaaku nii tetuhaandisini jadi aku nii ada dipercaya gasan menyampaiakan pengumuman…

Udin                 : Pengumuman nangapa Julak?Pengumuman pian kawin lagi kah?

(Semuanya Tekajut)

Julak Usup : Husss muntung rigat, aku handak madahi kalonya kena ada acara di Balai, Nah rencananya biduannya ya si Itay nii, aku nii mendangari habar dari urang Balai dahulu,tapi Itay nih kada sabaran.

Nah makanya mun melihat urang tu jangan asal di taguk, asal dituduh kada melihati nang bujurnya….

Itay                  : Hiih bujur jar julak, jadi kayapa nah julak, jadi kah ulun nii jadi biduannya… 

Julak Usup          : Nyata aiii jadii…. (genit)

Acil Ijum          : Nah loo jar ku din, janganasal Pandir, mun kaini siapa nang supan?Ikam jua… Semuanya : Huuuu….Bubar bubar

(Udin Tatinggal Surangan)

Udin                 : Ehhh cil cil, nangapa meninggalkan ulun surangan, julakkkk…aduhhh…. (Pusang)

SELESAI